Matematik analiz. Maktab o’quvchilari uchun qo’llanma.

Kitobcha matematik analiz bilan dastlabki tanishuv uchun mo’ljallangan. U matematik analizning o’rta maktabda o’rganiladigan barcha bo’limlarini o’z ichiga oladi. Kitobchada ko’phadlar, trigonometrik funktsiyalar, logarifmik va ko’rsatkichli funktsiyalarning hosilalari qaraladi. Unda Integral ham Differentsiallashga teskari amal sifatida, ham grafikning yuzi sifatida, ham chekli yig’indining limiti sifatida ta’riflanadi. Kitobchaning oxirida har bir bo’limga doir mashqlar berilgan. Kitobchada asosiy e’tibor bayon qilishning qat’iyligiga emas, balki, hisoblash texnikasiga qaratilgan. Kitobcha o’rta maktablarning yuqori sinflari hamda akademik litsey va kasb hunar kollejlari talabalari uchun mo’ljallangan

Matematikadan masalalar to’plami (Skanavi)

Mazkur kitob o’tgan asrning 70-90 yillarida oily o’quv yurtlariga kirish imtihonlari uchun matematikadan yozma va og’zaki misol va masalalar to’plamidan iborat qo’llanma sifatida chop etilgan. Katta avlod vakillari bu kitobning ahamiyati va qadrini juda yaxshi bilishadi. Nisbatan nashr eskirgan bo’lsa-da, ammo uning ahamiyati va dolzarbligi hech qachon yo’qolmagan. Aksincha fanda o’ziga xos mavqe’ga ega bo’lgan mumtoz qo’llanma darajasida bugungi kunda ham o’z qadriga ega hisoblanadi. Kitobda Matematikaning barcha yo’nalishlari – arifmetika, algebra, trigonometriya, progressiyalar, birlashmalar nazariyasi, Nyuton binomi, algebraik tenglama va tengsizliklar, logarifmlar, matematik analiz, planimetriya, streometriya  bo’limlari bo’yicha, har bir bo’lim uchun A va B guruhlarga bo’lingan holda 100-150 dan misol yoki masalalar keltirilgan. Kitobda jami bo’lib matematikaning turli yo’nalishlari bo’yicha  3000 ga yaqin turli qiyinlik darajasiga ega misol va masalalr mavjud. Mazkur kitob matematika yo’nalishida imtihonlar topshiruvchi abiturientlarga uzoq yillar benazir va beqiyos manba bo’lib ximat qilgan, hozirgi kunda ham kollej va maktab o’quvchilariga mazkur kitobdagi masala va misollarni yechish orqali o’z bilimlarini mustaxkamlash, zehnlarini sayqallashlarini tavsiya etamiz.

Dlfferensial tenglamalar

Mualliflar: R.S. Guter, A.R. Yanpolskiy

Tematik yo‘nalishi: Oliy matematika,

Tarixi: Toshkent, «O‘qituvchi» nashriyoti, 1978 yil.

Orbita.Uz taqdim etayotgan elektron nusxa: .Djvu va .pdf formatlaridagi variantlarda, sifatli skanerlangan.

Grafikasi: O‘zbek tili kirill alifbosida.

Elementar matematikadan masalalar to’plami (Antonov).

Elementar matematika bo’yicha masalalar va misollar jamlangan mumtoz qo’llanma. Bu kitob haqida ham katta avlod vakillari yaxshi bilishadi. Kitob ikkita katta qismlarga – Arifmetika va Algebra hamda Geometriya va Trigonometriya qismlariga bo’lingan. Har bir qism o’zining tarkibiy mavzulari va yo’nalishlari bo’yicha alohida ko’rib chiqilgan. Kitobning eng muhim xususiyati shundaji, qaraqalayotgan yo’nalishga doir misollar yoki masalalarning yechish usullari ham bo’limning o’zida (kitob oxirida emas) aniq va mufassal, bosqichma bosqich yo’nalishda  bayon qilingan. Bu jihat, ya’ni  uning mustaqil shug’ullanish uchun ham mukammal va oson usulda tartiblanganligi, foydalanuvchiga juda katta qulaylik va imkoniyatlar ochib beradi. Kitob maktab va kollejlar o’quvchilarim shuningdek, oily o’quv yurtiga kirish imtihonlariga tayyorlanayotgan abiuturientlar uchun muhim manba, zehn va aql sayqallash vositasi bo’lib xizmat qilishi mumkin.